من طرف robe الخميس مايو 14, 2009 2:54 pmمن يوم ضاع الوطن ماشفت بس الهم
ومن الحزن جرعات ظليت بس الهم
ورغم الالم ياصاح ظليت أباسلهم
وماذليت نفسي لحكم الاجناب
00000000
بنور عيني مرسالك وصلنا
بجيت ودمعي بلل كل وصلنا
امانه عليك لاتقطع وصلنا
عساني انذر وحي لترابك فديه
00000000
لغيرك ما جرى دمع ولا هل
غاب القمر بعدك ولاهل
مابقى لي بالدنيا جار ولاأهل
بس انت وقطعت الوصل بيه
00000000
بجت العيون من شافت حديثه
شيكول الشاف ما يوصف حديثه
حشد طاغوت وجيوشه حديثه
على أهل الوفا والروح الابيه
00000000
هاسل بالقلب بجفاك هامات
وياما قبال سيفي انحنت هامات
اخبرك روحي نص الليل هامت
عليك وسحل جابتني من ايديه
00000000
عرفتك وعرفت لغزك وحلاك
وحك من جملك يا أسمر وحلاك
جذب من ايدي اهدنك واحلاك
لانك روحي وفراكك منية
00000000
الحلاوة البيك يا اسمر من تمركم
وروحي اتذوب يمكم من تمركم
أدوخ من اريد احسب من تمركم
واحد بس اشوفك تسعمية
00000000
حبيبي انشد عليك شصار ما صار
وغيرك للكلب مفتاح ما صار
ادور عليك بالبلدان وامصار
ولكيتك بالنبض دكات الية
00000000
عونه الطال عشرتكم ونلهه
وعنكم عيب نتسله ونلهه
الدنية ثار اطلبها ونلهه
لان حرمت شافتكم عليه
00000000
هدية لكل العراقيين
» بعد ان ساند الازهر تظاهرات مصر.فماهو موقف مرجعية النجف من تظاهرات العراق.ارجو التثبيت
» الفرق بين سياسيوا مصر وتونس وسياسيوا العراق ..
» والله الف والف البوعزيزي بالعراق لكن لم يوجد شعب مثل تونس ينتفض لهم
» جعفر الابراهيمي صحوة ضمير ام لعبة جديده للتبرير ؟؟؟
» مؤتمر الأديان في النجف والمراجع العظام...قراءة وتحليل
» نحن العرقيين بحاجة الى ( بن عزيزي ) يحرق نفسه كي نصحو من سباتنا
» انقل لكم بيان صادر من امين عام الانتفاضة الجماهيرية في العراق
» ائمة الضلال وجهل المجتمع //ارجو التثبيت